युथ पावर फाउन्डेसनले आयोजना गरेको स्वास्थ्य शिविरमा १५० जना बिरामीको निशुल्क स्वास्थ्य जाँच

पर्दाफास अनलाइन / वैशाख १३, २०८२

विर्तामोड, १३ बैशाख ।
युथ पावर फाउण्डेशन झापाको आयोजना र विर्तामोड ७ नम्बर वडाको आर्थिक सहयोगमा स्वास्थ्य शिविर भएको छ ।
स्पाइनएक्स अस्पतालको प्राविधिक सहयोगमा भएको शिविरमा एक सय पचास जना स्थानीयले सेवा लिएको संस्थाका महासचिव अस्मिता कार्कीले जानकारी दिनुभयो । स्पाइनएक्स अस्पतालका निर्देशक डा. प्रेमबहादुर शाही, जनरल सर्जन डा. लक्ष्मण राना मगर, मेडिकल अफिसर डा. राजेन्द्र खत्वे र फिजियो थेरापिष्ट डा. कविन सापकोटा लगायतको टोलीले विशेषज्ञ सेवा दिनुभएको थियो ।
कार्यक्रमको उद्घाटन गर्दै कोशी प्रदेशका खानेपानी, सिंचाई तथा उर्जा मन्त्री एकराज कार्कीले नागरिकको स्वास्थ्य राज्यको दायित्व भएको बताउनुभयो । स्वास्थ्यको क्षेत्रमा काम गर्न तीनै तहका सरकार गम्भीर हुनुपर्ने मन्त्री कार्कीको जिकिर थियो ।
युथ पावर फाउण्डेशन झापाका अध्यक्ष दीपा पोखरेलको अध्यक्षतामा भएको कार्यक्रममा विर्तामोड ७ का अध्यक्ष अविरल कृष्ण खरेलले वडावासीको स्वास्थ्यका लागि वडाका जनप्रतिनिधि गम्भीर रहेकाले संस्थासँगको सहकार्यमा कार्यक्रम आयोजना गरिएको बताउनुभयो । कार्यक्रममा संस्थाका उपाध्यक्ष सरिता मैनालीले स्वागत गर्नु भएको थियो । ०००००

हाम्रो बारेमा

पर्दाफास अनलाईनले समाजका तमाम बिकृति बिसंगति उजागर गर्ने अभिभारा साथमा लिएर उपस्थित भएको छ । यस अनलाइनले समृद्धी र विकासलाई प्रमुख प्राथमिकता दिने योजना बनाएको छ । अबको यात्रा विकास नै हो । राजनीतिक यात्रा एक अर्थमा समाप्त भइसकेको अवस्थामा समृद्धिलाई प्रमुख प्राथमिकता अनलाइनले दिने छ । साथमा समाजका हरेक गतिविधि समेटिने छ ।

पर्दाफास अनलाईन टीम